Knall og fall!!! 12.01.12

Torsdag 12. januar var det klar for ny tur me friluftslivgjengen. Veret var noko lunde, heldigvis og tempraturen var fin. Me møtte opp for friluftslageret kl 9, der alle skulle få kvar sin spade. Så vart me køyrde med minibuss opp til Gunnvordalen derfrå skulle me gå på ski mot Svartholten.

Ruta vår....

Det var ganske bratt opp så me måtte bruke feller, eg hadde berre korte feller,eit dårleg valg, men det gjorde at neste gang eg skal på sånn skitur tek eg lange. Heldigvis hadde Øystein med seg ekstra feller, som Torgeir for ned å henta ( me var ikkje komne langt). Då såg eg mykje lysare på turen. Me gjekk eit godt stykke og så hadde me ein kosleg matpause oppi skogen. Etter me hadde ete, så grov Steinar ( kompisen til Torgeir) ei "hole" der me skulle sjå på dei forskjellige laga ned i snøen. Så var det siste rest til toppen.

                                            Pause...

Vegen ned var noko heilt anna, trur ikkje eg hadde sklid 10 meter ein gang før det første falle...og fleire skulle det bli. Eg hadde vanlege fjellski som var veldig vanskele og skli på for oppå laussnøen var det litt skare. Har ikkje telling på kor mange gangar eg datt, men uansett klarde me å holde humøret oppe. Eg, Brita og Therese fekk god hjelp av Steinar å komme oss ned at, for han laga veg til oss. På slutten var eg nokså lei, då siste rest satt eg på skidna og det gjekk supert! Det heile endte med at eg, Brita og Therese ikkje rakk bussen, men me kom oss heim likevel. Torgeir fiksa det.

Gruppa fungerte nokså bra, og trur alle hadde det nokså bra. Eg vart litt klokare av denne turen må eg seie; me lærte korleis me skal finne ut om det er rasfare, eg lærte at neste gang skal eg ha lang feller, og vart ganske flink til å røyse meg opp at etter eg hadde tryna! Trur me nådde ganske mangen av måla våre for turen. Eg hadde passleg med klede og alt, men skulle ønskt eg hadde andre ski ( telemark eller randonne. ) Ellers var det ein heilt OK og kjekk tur.  

Karoline.

Aldri ein skam å snu! 25.11.11

Vi møtte opp utafor nyskulen klokka 9 fredags morgon. Veret var ikkje av det beste men det gjekk an, i alle fall for ei lita stund.....

Vi køyrde buss opp til Fretland derfrå skulle me gå. Da vi skulle begynna å gå var det masse sludd, etterkvart begynte det å hagle. Da vi hadde gått ei stund kom me til nokon stølar som me stilte oss i ly for veret ei stund.

Etter kvart kom me fram til nokre store berg, da vi hadde gått forbi Halsavatnet der satte me oss og åt. Det var veldig kaldt for det blåste og snøa. Der måtte me ta ein beslutning om me skulle gå vidare eller snu. Veret var etterkvart så intenst at me valde å snu. Dette var ein veldig bra beslutning. På vegen tilbake stoppa me og hadde ein leik, å laga snøenglar. Vi stilte oss og i ly når vi gjekk heim, bak stølane.Vegen tilbake gjekk ganske fort, syns eg. Når me var komme ned til asfalt vegen, kom det heldigvis ein buss å henta oss. Så var me tilbake på skulen litt før halv 3.

Syns det var litt dumt at me ikkje fekk sjå Ljotaholet, men Berit ville tydlegvis at me ikkje skulle det. Det var ein kjekk tur og trur dei fleste kosa seg.

Eg hadde gode klede og godt sko tøy. Eg lærte at det aldri er ein skam å snu. Me er ei fin gruppe å reise på tur med og vi fungerer alle bra i lag. Sjølv om det snøa og hagla om eit anna så gjorde det ikkje så mykje, det var litt kaldt innimellom, men sån er det som oftast. Ein annar ting me fekk erfare var at veret kan skifte på eit blunk. Alt i alt så var det ein kjekk tur.

Her er nokre bilete.

Tur til Storevatnet 21-22 sept. 2011

Me starta med å møta opp på skulen, så fekk me alt utstyret. Det var kun 8 av 15 som var med frå st klassane. Denne gangen skulle me reise med idrett.

Me køyrde buss til kaupanger og skulle gå derifrå, der vart me delt inn i nye grupper.

Me starta å gå rundt 10.30 og forskjellige gruppe styrte me kart og kompass. Me gjekk eit godt stykke, så stoppa me og hadde lunch. Så starta me å gå at, men så kom Torgeir etter oss og sa me gjekk feil og me måtte snu.

Været var noko lunde, og når me kom fram til der me skulle vere mådde me sette opp Gapahuk. Det gjekk heilt ok, me fekk no ikkje vatn inn på oss om natta og det var det viktigaste. Kvar gruppa laga bål og lagde eller varma middag/kvelds på det. Om kvelden laga me eit stort felles bål og hadde div. leika.

Om morgonen stod me opp og åt frukost så pakka me. Me på allmenn skulle heim og idrettsgjengen skulle vidare, dei skulle vere 1 natt til. På vegen heim stoppa me og hadde eit lite førstehjelpskurs og åt lunch. Vegen ned var ganske bratt og når me kom ned til Manhillervegen der me skulle vente på buss( trudde me) var føtene mine heilt gele. Men me venta lenge å det kom ikkje nokon buss, dei hadde gløymt det. Så me mådde gå ned der ferjene kjem å ta buss der ifrå. Det var ein fin tur, men det var og drit godt å komme heim.

Her er ruta:

Alt fungerte bra på turen, syntes eg. Det vart berre litt omplassering for det var berre 8 stk. som var med frå st klassane. Men det var null problem.

Me nådde målet med å lage gapahuk å brenne bål, det fiksa gruppene godt i lag. Heile gruppa fungerte bra på tur, og det var kjekt å vere med idretts gjengen. Me hold eit godt tempo å alle hang med.

«Gapahuk gruppa» fungerte og veldig bra, alle hjelpte til med å finne ved å sette opp gapauk.

Denne gangen hadde eg veldig passeleg med klær og mat, einaste var at eg fraus litt på nasen å kinna om natta. Eg lærte korleis me skulle legge forskjellige lag når me brente bål. Me skulle ha eit lag med ved nederst sånn at det brant «ned» i bålet og. Det var slik eg opplevde min kjekke tur til Storevatnet.

PS!: BILDER KJEM SEINARE.

Tur til Fjærlandsete 7-8 sept. 2011

Det heile starta onsdag den 7.sep. me (klassen) skulle på tur til Fjærlandsete. Me møtte opp ca kl 09.00 utafor friluftslageret og alle var klare og godt forberedt. Der fordelte me felles utstyr og så for me i ein stappa minibuss til Øvstedalen, der me skulle gå ifrå.

I begynninga virka det greit og vegen var ok, så kom det eit litt brattare stykke då det var litt tungt. Men etter ei lita stund flata det ut og det vart ein fin, litt blaut sti. Så etter at me hadde gått ei stund mådde me ha oss noko mat, vi stoppa i 11.30 tida på Furesete og tok ein liten lunch før me for av garde igjen. Været var litt surt det var litt vind og litt små regn innimellom når me gjekk. Ca klokka 13.00 var me framme ved målet, då var det av og finne ein god plass å slå leir. Me fann ein grei plass og så sette gruppene i gang med å slå opp telta. Så byrja det å hylje ned og gruppene bestemte seg for å kvile litt i telta for å sjå om det snart slutta å regne så kaldigt. Etter eit par timar så var det sån noko lunde og me skulle ut og fiska, me fiska ikkje så lenge og resultatet var dårleg. Ingen fekk ein einaste fisk! Så var det tid for middag og gruppene fyrde opp storkjøkkenet. Gruppa mi hadde bestemt seg for å ha taco, og det fungerte overraskande bra. Taco anbefalast på fjelltur, det var kjempe godt! Gruppa vår kokte og vatn, så me drakk kakao. Til dessert skulle me ha banan splitt, men banan mi var most og ganske svart blitt så det var ikkje så fristane. Så for gruppa mi i teltet igjen og spelte uno, bra og ha noko som du kan gjere på når du er i teltet. Så om kvelden fekk vi litt gåter og sånt så me skulle løyse og gruble på, nokon klarte me og andre mådde me ha litt hjelp til. Så var me alle litt trøytte og slitne, så me la oss. Om natta var det periodar der eg vakna for det regna masse ellers var det ei heilt grei natt.

Om morgonen stod vi opp og gjekk og «stelte» oss litt, så lagde me oss frukost. Etter det begynna me og pakka saman tinga og telta våre og gjorde oss klare til avreise. Me gjekk til eit vatn litt lengre vekke og fiska og åt lunch der, der fekk Torgeir ein liten fisk så fekk me sjå korleis me sløgde ein fisk. Så fortsette me, me fann vegen ned til busstoppet der me skulle ta ein rutebuss. Så sette me oss på bussen og reiste heim.

Det som var bra på turen var matlaging, telt-oppsetting, samarbeide med heile gruppa. Alt var stort sett bra med turen uten om været som kunne vore betre. Klede og utstyr var nokså bra, så der er det ikkje noko å seie på. Lengda på turen var heilt ok, alle i gruppa kom fram så. Teltgruppa vår fungerte ganske bra med både fordeling av felles ting, matlaging og samarbeid. Heile gruppa fungerte og veldig bra, alle var inkluderande og alle var med alle, så det er ei veldig fin gruppe. Det var ikkje noko som eg kjem på som eg ville gjort annleis, syns alt fungerte ganske bra. Måla for turen var blant anna å lære seg og overnatte i vått terreng, det trur eg alle lærte noko av. Lærte meg betre med kart og kompass og lærte betre å bruke stormkjøkken. Det var vel stortsett alt. Det var i alle fall ein vellykka og kjekk tur.

Her er nokre bilete: